Makina përplas dy kalimtarë në Shkodër, një në gjendje të rëndë
Pëlqej
Një aksident i rëndë ka ndodhur ditën e sotme në aksin rrugor Shkodër-Koplik si pasojë e të cilit dy persona janë plagosur, një prej tyre në gjendje të rëndë.

Policia njofton se mjeti tip "Benz" me targë AA 372 KJ, me drejtues shtetasin Nimet Bilani, 61 vjeç, banues në Shkodër, ka aksidentuar dy shtetas (këmbësorë), K.Gj. 77 vjeç, banues në Shkodër dhe shtetasin F.V., 75 vjeç.

Mesohet se të dëmtuarit janë transportuar në spitalin rajonal Shkodër. K.Gj. ndodhet në gjendje të rëndë shëndetësore, kurse shtetasi F.V. jashtë rrezikut për jetën.

Drejtuesi i mjetit është shoqëruar në ambientet e komisariatit të policisë Shkodër për veprime të mëtejshme. Në vendngjarje ndodhet grupi hetimor i cili po punon për sqarimin e rrethanave të ngjarjes. /albbeu.com/
Shtuar më 02/01/2017, ora 19:18
Shkruani komentin tuaj!
Të fundit nga kjo kategori