“Ekathimerini”: Hetimet për paktin detar, tendosin marrëdhëniet Shqipëri-Greqi
Pëlqej
Edhe në mediat greke është pasqyruar nisja e hetimeve nga ana e Prokurorisë, lidhur me marrëveshjen e paktit detar me Greqinë. Ndërkaq, është gazeta e njohur grekeEkathimerini”, e cila shkruan se me këtë akt, marrëdheniet mes dy vendeve tendosen akoma më shumë.

Në një shkrim të publikuar dje, “Ekathimerini” shkruan se shpresat për një zonë ekonomike ekskluzive në detin Jon kanë pësuar një tjetër goditje, pas nisjes së hetimeve nga Prokuroria shqiptare.

Burime diplomatike në Athinë thanë për gazetën “Ekathimerini” se nisja e një hetimi të tillë, ishte një hap i madh prapa duke tendosur akoma më shumë marrëdhëniet mes Shqipërisë dhe Greqisë.

Gazeta greke citon edhe fjalën e ministrit shqiptar Ditmir Bushati në Athinë, i cili ka thënë se: “Ne kemi vullnetin për të parë drejt së ardhmes dhe për të diskutuar çështjen në bazë të parimeve themelore të së drejtës ndërkombëtare dhe në bazë të interesit të përbashkët”. /albeu.com/
Shtuar më 08/08/2014, ora 10:16
Shkruani komentin tuaj!
Të fundit nga kjo kategori