Me rastin e 5 Majit, ditës së Dëshmorëve të Atdheut, ministri i Mbrojtjes, znj. Mimi Kodheli dhe shefi i Shtabit të Përgjithshëm të Forcave të Armatosura, gjeneralmajor Jeronim Bazo zhvilluan homazhe dhe vendosën kurorë me lule pranë monumentit “Nënë Shqipëri” në Varrezat e Dëshmorëve të Atdheut.


Pas përfundimit të ceremonisë, para monumentit “Nënë Shqipëri”, ministrja e Mbrojtjes Kodheli dhe shefi i Shtabit të Përgjithshëm të Forcave të Armatosura, gjeneralmajor Bazo bënë homazhe dhe vendosën kurora me lule pranë varrit ku prehet Dëshmori i Atdheut, kapiten Feti Vogli, i cili ra në krye të detyrës gjatë kryerjes së misionit paqeruajtës në Kandahar të Afganistanit, më 20 shkurt të vitit 2012.
Gjithashtu, ministja Kodheli dhe gjeneralmajor Bazo, kryen homazhe pranë varrezave ku prehen trupat e pilotëve që kanë shërbyer në Forcat e Armatosura dhe kanë dhënë jetën e tyre në krye të detyrës.


Më pas, ata u takuan me familjarë dhe të afërm të dëshmorëve të Forcave të Armatosura, që kishin ardhur për të bërë homazhe dhe përkujtuar të afërmit e tyre.