Sadio Mane ka folur me superlativa për shokun e tij të skuadrës Roberto Firminoi duke e cilësuar si një nga më të mirët në botë.
Firmino ka shënuar katër gola në Premierligë, tre prej të cilave ishin në fitore ndaj Watford muajin e kaluar.
Edhe pse braziliani nuk është golashënues i vazhdueshëm si Mohamed Salah, Mane mendon se sulmuesi është lojtar i pabesueshëm.
“Mendoj që është pjesë e futbollit, ku njerëzit flasin për lojtarët që shënojnë gola, por gjithmonë them dhe do e përsëris, që pa Firminon nuk do ishim njëjtë”.
“Në pesë vite që kam luajtur me të, e di sa pasime dhe asistime ka dhuruar dhe duke shikuar punën defensive dhe punën mes vijave është më e lehtë”.
“Mendoj që është i pabesueshëm. E dimë sa i mirë është Bobby dhe sa i rëndësishëm për ne, por ndonjëherë vetëm pas ndonjë het-trikut njerëzit flasin”.
“Me këtë skuadër, ne e dimë që është një nga lojtarët më të mirë në botë”, deklaroi ai.
