Shumë këngëtarë shqiptarë kanë nisur pushimet dimërore. Kështu, këngëtarja Drenusha Latifi me disa mikesha të saj kanë udhëtuar drejt Brezovicës, një qendër shumë e njohur për pushime dimërore në Kosovë.

Sipas Express, në të njëjtin vend është duke pushuar dhe Ledri Vula, reperi i cili për një kohë të pacaktuar është tërhequr nga muzika duke iu përkushtuar më shumë studimeve në Regji të Filmit. Në anën tjetër, një luks më të madh po ia lejon vetes supermodelja e njohur Emina Çunmulaj, e cila së bashku me të dashurin e saj, milionerin Sam Nazarian, është duke shijuar këto ditë dimri në Montage Deer Valley, duke festuar kështu edhe zgjedhjen e Nazarian si “Personi i vitit” në Shtetet e Bashkuara të Amerikës. /albeu.com/