Ditët e nxehta të verës janë më të vështirat për ata që punojnë, e sidomos kur shohin në rrjetet sociale miqtë që shkojnë në plazh. Por edhe nëse nuk keni mundësi ta bëni këtë, mos lejoni që ditët e bukura t’ju kalojnë pa i shijuar.
Më poshtë ju tregojmë disa mënyra se si t’i bëni më të lehta orët në zyrë gjatë këtyre ditëve:
1. Pushoni jashtë
Ekspertja e fitnesit dhe mirëqenies Penny Weston thotë se mund të jetë demoralizuese të punosh kur është një ditë e bukur jashtë, kështu që këshilla e saj kryesore është të bësh një shëtitje gjatë pushimit. Dielli stimulon prodhimin e hormoneve që iu bën të ndjeheni mirë mirë dhe ajri i pastër do t’ju japë një pushim të vërtetë”, shtoi ajo.
2. Hani drekën jashtë
Hani drekën në oborr ose në ballkon nëse nuk keni kopsht. Gjithashtu, uluni në një stol parku për pak kohë.Unë do të rekomandoja të mos merrni telefonin me vete në mënyrë që të shijoni vërtet diellin. Nëse keni kohë, pse të mos vendosni një libër në çantën tuaj dhe të lexoni për 10 minuta?”, thotë Penny.
3. Punoni jashtë
Fatkeqësisht, kjo nuk do të jetë e mundur për të gjithë, por nëse mund të punoni nga shtëpia, atëherë zhvendoseni zyrën tuaj në oborr ose ballkon. Nëse nuk keni akses në një hapësirë të jashtme, përpiquni të punoni pranë një dritareje në mënyrë që të thithni sa më shumë dritë natyrale dhe vitaminë D.
4. Ndryshoni orarin tuaj të punës
Nëse dëshironi të shijoni mbrëmjen, të keni më shumë kohë për të parë miqtë ose për të parë perëndimin e diellit, mund të filloni më herët me punën më herët në mënyrë që të përfundoni në një kohë më të arsyeshme dhe të keni më shumë kohë për gjërat e mësipërme.
5. Këshilla për punëdhënësit
Megjithëse këto zgjidhje përpiqen të shfrytëzojnë sa më shumë rrezet e diellit, Hannah Copeland, partnere biznesi për burimet njerëzore thekson rëndësinë e punës në një mjedis të rehatshëm dhe të freskët. Ajo shtoi se punëdhënësit duhet t’i mbrojnë punëtorët nëse punojnë jashtë në vapë.Puna e vështirë bëhet më mirë në temperatura pak më të ulëta”, tha ajo, raporton Metro.
