Kristen Stewart nuk do të jetë më pjesë e filmit të dytë të Borëbardhës. 22-vjeçarja kishte rol kyç në filmin e parë, ndaj ishte e vështirë të besohej largimi nga kasti i aktorëve, por kompania "Universal" duket të jetë e vendosur.


Lajmi është bërë i ditur nga "The Hollywood Reporter" dhe gjithçka ndodh vetëm pak javë pas publikimit të lajmit se ajo kishte pasur një lidhje me regjisorin e filmit, Rupert Sanders. Fotot intime çuan në ndarjen e saj nga Robert Pattinson. "LA Times" shkruan se zyrtarë të "Universal" janë shprehur se ajo "mund" të ketë një rol në film, por do të jetë dytësor. Nuk dihet ende nëse regjisori i filmit të dytë do të jetë sërish Rupert Sanders.

Filmi "Snow White and the Huntsman" nuk ka qenë shumë i suksesshëm pasi ka nxjerrë 389 milionë dollarë fitime duke u nisur nga një buxhet fillestar prej 170 milionë dollarësh. /albeu.com/