“Unë të pres vetëm ty”, Eni Çobani vihet në siklet nga i ftuari te ‘'Shihemi në gjyq'’
Shihemigjyq”, rubrika popullore e programit “E diela shqiptare”, mbledh pranë ekranit mijëra njerëz që problematikave të të ftuarve u bashkohen nga shtëpitë e tyre.

Suksesi i kësaj rubrike është edhe juristja e njohur Eni Çobani, e cila jo vetëm ofron ndërmjetësimin mes palëve, por njëkohësisht edhe përpiqet të vendosë një komunikim të mirë mes tyre në studio, edhe kur gjakrat janë të nxehur. Këtë natyrë paqësore të Enit e njohin të gjithë, aq sa, dashje pa dashje, i shprehin asaj edhe simpatinë në publik.

Pak muaj më parë, njëri prej të ftuarve e vuri në siklet juristen duke i thënë se në seancë ndërmjetësimi kishte ardhur vetëm për të (në respekt të saj). Deklaratën, juristja e kaloi me shumë sportivitet, por nuk e mohoi faktin që e bëri të skuqej.

Sot, një rast tjetër i ngjashëm e vuri sërish në siklet Enin. Të ftuar në “Shihemigjyq” ishin dy ish- shokë nga Bilishti, të cilët ndodheshin në konflikt për një borxh të pashlyer. Xhumai rrëfeu jetën e tij të vështirë dhe peripecitë që i kishte shkaktuar ish-bashkëshortja me tradhti dhe me një çështje gjyqësore për “pjesëtimin e pasurisë”. I gjendur, i kërkoi para borxh shokut të tij, Astritit, i cili ia ka dhënë mikut të tij paratë 4 vjet më parë dhe ai nuk ia ka kthyer, shkruan class

Gjatë këtij debati për një zgjidhje të mundshme për dy miqtë, Eni Çobani po përpiqej t’u propozonte zgjidhjen më të mirë që çështja të mos shkojë në gjykatë.

Ndërsa Eni i kërkon Astritit të jetë i mirëkuptueshëm, ai i thotë juristes së ka besim vetëm tek ajo, por kur Eni i kërkon atij një përgjigje përfundimtare: “Dakord te besimi … Faleminderit. Do të presim vendimin e gjykatës?” Astriti i përgjigjet: “Nuk e di, ti e di atë. Unë të pres vetëm ty…”

E vënë në siklet, Eni tha të mos e keqkuptojmë: “Mos e marrim në konotacion negativ, më pret për zgjidhjen e problemit! Të lutem, sepse, realisht njerëzit ndonjëherë i lënë fjalët përgjysmë. Po më pret për zgjidhjen e problemit!” – tha ajo pa e fshehur buzëqeshjen e sikletshme. /albeu.com/
Shtuar më 15/01/2018, ora 09:37

Shkruani komentin tuaj!
Të fundit nga kjo kategori