Andrea Gjura është i riu nga Dibra, që ka emigruar në Belgjikë. Ai është bërë shumë i njohur përmes videove që publikon në Tik Tok, ku shfaqet duke i dhuruar trëndafila, përqafime dhe i bën propozime vajzave të panjohura në rrugë.
Në një lidhje me Skype për “ABC e Mëngjesit”, Andrea tregoi se blen 50 trëndafila çdo ditë dhe fiton shumë para nga videot.
Ai zbuloi se video që i ka dhënë më shumë fitim, ka qenë 5 mijë euro. Sakaq, Andrea theksoi se në fillim punonte në ndërtim, por e la se nuk fitonte kaq shumë para.
“Isha një ditë me kushëririn në palestër dhe thash pse mos ta provoj. Lulet i blej çdo ditë, janë natyrale. Në ditë blej minimum 50 trëndafila. Videot i hedh në Tiktok, fitoj me reklamat. Është diçka që të ndihmon shumë. Për një video që arrin 1 milion views, marr një mijë euro. Video më e shikuar kam marr 5 mijë euro.
Dikur kur erdha në fillim punoja në ndërtim, punoja 10-12 orë dhe merrja shumë pak. Prej dy muaj e gjysmë e kam lënë. Kam shumë ide për videot”, u shpreh ai.
@andrrea_bxl #antwerpen #anvers #andrrea_bxl #fyp #viral #angry #enjoying #enjoy #funny #foryoupage ♬ Calm Down – Rema
