Sekretari i Përgjithshëm i Partisë Demokratike Gazment Bardhi, ka paralajmëruar sot në një intervistë për “ABCneës” se një tjetër kryetar bashkie mendohet se është dënuar jashtë shtetit për vrasje.
I pyetur për emrin Bardhi ka thënë se kjo të bëhet e ditur kur të vijnë dokumentet e plota.
“Nuk është sekret e kam thënë dhe më parë se kemi në proces verifikimi disa nga kandidatët e Edi Ramës në zgjedhjet e 30 qershorit dhe jemi duke pritur dokumentacionin provues. Tashmë në proces verifikimi kemi 12 emra kryebashkiakësh.
Ne presim që me ndihmën e partnerëve ndërkombëtarë të verifikojmë indiciet për të dhënat që ne kemi për këto kryebashkiakë.
Sapo të kemi një dokumentacion të tillë ne do të bëjmë denoncimin për shkeljen e ligjit të bërë nga një kryebashkiak.
Të dhënat flasin për kryerjen e veprave të ndryshme penale, kemi dhe të dhëna që një person është i dënuar ne vendet evropiane për vrasje dhe për të tjerë të cilët janë të dënuar për vepra të ndryshme penale dhe të përfshirë në trafik të lëndëve narkotike”, tha Bardhi.
