Plagoset me thikë 48-vjeçarja në Tiranë, arrestohet autori

Një ngjarje e rëndë ka ndodhur ditën e sotme në Tiranë.

Policia bën me dije se shtetasja V. A., 48 vjeçe është plagosur me thikë nga një 69 vjeçar.

Ky i fundit është vënë në pranga nga policia.

Sakaq, e plagosura ndodhet në spital jashtë rrezikut për jetën.

Njoftimi

Goditi me mjet prerës thikë një shtetase, falë reagimit në kohë dhe veprimeve të shpejta nga Policia, kapet dhe shoqërohet në komisariat autori i dyshuar.

Sekuestrohet mjeti prerës thikë, të cilën autori e përdori gjatë ngjarjes.

Shërbimet e Komisariatit të Policisë Nr. 4, pas marrjes së njoftimit se në rrugën “Kamber Shevroja”, shtetasi M. B., 69 vjeç, gjatë një konflikti për motive të dobëta, dyshohet se ka goditur me mjet prerës shtetasen V. A., 48 vjeçe, kanë organizuar menjëherë punën për kapjen e autorit të dyshuar.

Falë veprimeve të shpejta policore shërbimet e Komisariatit të Policisë Nr. 4, kapën dhe shoqëruan në komisariat autorin e dyshuar shtetasin M. B., 69 vjeç.

Në cilësinë e provës materiale u sekuestrua mjeti prerës thikë që autori e përdori gjatë ngjarjes.

Shtetasja V. A., aktualisht ndodhet në spital, nën kujdesin e mjekëve.

Grupi Hetimor po punon për sqarimin e rrethanave të ngjarjes.

/albeu.com


Shtuar 16.07.2023 13:47