Surprizon Pamela Anderson, është martuar në fshehtësi me truprojën e saj (FOTO LAJM)

Pamela Anderson i ka surprizuar të gjithë. Ajo është zyrtarisht një grua e martuar! Aktorja e famshme e “Baywatch” kurorëzoi dashurinë me ish-truprojën, Dan Hayhurst, natën e Krishtlindjes.

“Daily Mail” shkruan se e gjitha ka ndodhur në një ceremoni intime në shtëpinë e saj kanadeze. “Jam ekzaktësisht aty ku kisha nevojë të isha, në krahët e një burri që më dashuron vërtet”, mësohet të ketë thënë Pamela për Hayhurst-in, me të cilin u dashurua gjatë karantinës.

Modelja e “Playboy” ka sqaruar se ceremonia martesore u zhvillua në shtëpinë të cilën ajo ua bleu gjyshërve 25 vite më patë. “Këtu u martuan prindërit e mi dhe janë ende bashkë”, u shpreh Anderson.

Ndërkohë kujtojmë se të martën, modelja dhe aktorja e famshme publikoi një fotografi të sajën në “Instagram”, krahas së cilës shkroi:

“Ky do të jetë postimi im i fundit në Instagram, Twitter apo Facebook. Asnjëherë nuk kam qenë e interesuar ndaj mediave sociale”, duke shtuar se tanimë e frymëzon leximi dhe të shijuarit të natyrës.

Anderson gjithashtu ka qenë e martuar me Tommy Lee-n, Kid Rock-in dhe me Rick Salomon-in, dy herë. Ndërkohë, vitin e shkuar, ajo dhe Jon Peters i dhanë fund historisë së dashurisë, një ndarje që u shoqërua me lajmin se dyshja ishte martuar më herët.

Nga ana e saj, Pamela tha se nuk ishte martuar kurrë me Peters-in, duke e krahasuar romancën e tyre të shkurtër me “vetëm një drekë të çuditshme”.
Shtuar më 28/01/2021, ora 10:50

Shkruani komentin tuaj!
Të fundit nga kjo kategori