Kanali prestigjioz BBC njofton se konkurrentja e Spanjës në Eurovision ka deklaruar se vendi i saj do e ketë shumë të vështirë të organizojë festivalin vitin tjetër në rast se ajo fiton.

Drejtuesit e transmetuesit publik, TVE (tv Spanja) , me shaka i thanë këngëtares Pastora Soler: “Të lutem, mos fito”.

“Nëse fitoj, besoj se do jetë shumë e vështirë që vendi im të organizojë edicionin e radhës pasi kushton shumë,” tha këngëtarja në një intervistë.

Spanja e fitoi së fundmi konkursin në vitin 1969 në Festivalin Europian të Këngës. Pastora Soler merr pjesë me këngën Quédate Conmigo.