Soni Malaj rrëfen arsyen e ndarjes nga Mirko
Pëlqej
Divorcin me balerinin italian, Mirko Luccarelli, këngëtarja Soni Malaj e cilësoi si tragjedi të vërtetë në jetën e saj, që do të thotë e kishte përjetuar shumë fort. Në intervistën e saj për Elitë Shoë në T7 Soni Malaj është shprehur edhe rreth jetës së saj private rritjes së Anës dhe gjithashtu nëse ruan ende kontakte me Mirkon, ish-bashkëshortin e saj.

"Ajo është mësuar të jem gjithë kohës me të dhe me Dancing nuk kam më shumë kohë. Dramë është. Ana është mësuar që të jem gjithë kohës me të,"-thotë Soni. Gjithashtu ajo theksoi se Ana ka një tendencë për të “imituar” të ëmën.

“Ka një prirje për të kopjuar pak mamin megjithatë është ende e vogël i pëlqen shkëlqimi i skenës. Mua do të më pëlqente të ishte këngëtare dhe do të ishte shumë mirë pasi unë do e ndihmoja shumë do bëja menaxhimin e saj dhe gjithë këtë terren që unë kam krijuar dhe që kam sakrifikuar kaq shumë pse jo ta shijonte Ana,”-përfundon Soni. E pyetur në lidhje me marrëdhënien që ka me ish-bashkëshortin balerinin Mirko, Soni u shpreh se është miqësore.

“Italia është një orë e gjysëm kështu edhe shumë larg nuk janë. Patjetër që çdo muaj janë bashkë disa ditë dhe nëse do të ishin në të njëjtin qytet do të takoheshin më shpesh shumë pushime, pushime verore sapo ka ditë pushimesh ata takohen. Ne kemi një vajzë bashkë kështu që nëse nuk do të jetë miqësore ajo konfliktualja nuk do i shërbente as mua as atij as vajzës kështu që rruga më e mirë është të merremi vesh me njëri-tjetrin.” /albeu.com/
Shtuar më 23/04/2018, ora 13:38
Shkruani komentin tuaj!
Të fundit nga kjo kategori