Shoku vendos duart në kokë! Rey Manaj “zvarrit” në tokë Umtitin, e poston Barcelona

Futbollisti me origjinë shqiptare, Rey Manaj, vazhdon të rrëmbejë vëmendje dhe famë pas debutimit të tij te ekipi i Barcelonës.

Ai vazhdon stërvitjen intensive për t’ë qenë sa më në formë aty dhe për të treguar aftësitë e tij në lojën e Futbollit.

Sulmuesi shqiptar pret ende mundësinë nga Koeman që të debutojë me katalanasit në La Liga, ndërsa është grumbulluar në dy ndeshjet e para. Sa i përket stërvitjes, Manaj vazhdon që të tregojë nuhatjen me rrjetën.

Barcelona ka prezantuar “flakën” e re të futbollistit të Shqipërisë. Këtë herë duke gënjyer Umtitin me një lëvizje, për të rrëzuar në tokë mbrojtësin e njohur dhe duke dërguar topin në rrjetë, ndërsa një prej lojtarëve të Barcelonës ka vendosur duart në kokë./albeu.com


Shtuar 24.08.2021 12:11