Sherri për një karikus celulari që solli vdekjen e një 22-vjeçari, djali të vetëm, ka trishtuar dhe revoltuar publikun, të njohur e të panjohur të viktimës.

Sherre të tilla të cilat marrin jetë të pafajshme, kanë bërë që njerëzit të reflektojnë ashpër mbi fenomenin dhe brezin që po rritet.

Ndaj këtij lajmi ka reaguar këngatari i njohur Klevis Bega, i njohur ndryshe si Kastro Zizo.

Me anë të një statusi në Facebook dhe me një gjuhë mjaft të ashpër, Kastro Zizo gjykon ashpër brezin që po rritet dhe sigurinë e jetës në vendin tonë, shkruan Albeu.com.

“E çfare mund te them me shume ndaj nje brezi KURVE qe po rritet?!

Nje djale qe iku pa dal akoma ne jete...nje familje e shuar shpirterisht nga disa "gango" qe per te vene emer jane te gateshem te vrasin!

Sdi kujt tja ve gishtin por jam aq i indinjuar saqe skam fjale...u zgjova me nje lajm si ky dhe pyes veten thelle: Çfare k**** bej ende ne kete vend qe per te "mbijetuar" duhet te mbaj thike me vete se ndryshe rrezikoj?! Skam fjale...

Ngushellime familja”- shkruan Kastro Zizo në Facebook.

Ngjarja

Mbrëmë sherri banal me thika pranë stadiumit “Selam Stermasi” mes disa të rinjve ka lënë të vdekur një 22-vjeçar i identifikuar si Marv Mihali.

Nga raportimet e para si dhe nga të dhënat e policisë, të rinjtë janë zënë fillimisht për një karikus celulari, e më pas sherri ka agravuar në përdorimin e thikave ku ka humbur jetën edhe 22-vjeçari. /albeu.com/