Ditën e djeshme skandali me publikimin e të dhënave personale u thellua akoma më shumë ndërsa u publikua lista me targat e mbi 500 mijë pronarët mjetesh në vend.
Sot, kryeministri Edi Rama ka publikuar një video dhe thotë se ka një lajm të mirë për drejtuesit e mjeteve. Rama shkruan se, tashmë certifikata e Kontrollit Teknik të DPSHTRR heq përfundimisht detyrimin e kontrollit fizik të automjetit kur ndërron pronësia dhe shton se u janë kursyer miliona lekë qytetarëve shqiptarë.
Rama gjithashtu në postim çon sinjale të fshehta kundrejt opozitës ku thotë se, puna vazhdon flet vetë ndërsa llafet e gojëve të shthurura dhe baltën e mendjeve të mbrapshta vijnë e ikin me erën.
Postimi i Ramës:
Me këtë LAJM TË MIRË e të shumëpritur për Drejtuesit e Automjeteve, puna vazhdon flet vetë ndërsa llafet e gojëve të shthurura dhe baltën e mendjeve të mbrapshta vijnë e ikin me erën
Falë rimarrjes në administrim shtetëror këtë vit të Kontrollit Teknik dhe ndërveprimit të sistemeve informatike, të cilat me vite ishin dhënë me një koncesion alla nongrata, Certifikata e Kontrollit Teknik të DPSHTRR heq përfundimisht detyrimin e kontrollit fizik të automjetit kur ndërron pronësia
Eliminohen 60 mijë kontrolle fizike të automjeteve në vit
U kursehen qytetarëve
90,000,000 lekë dhe 30,000 orë pritje në vit./albeu.com
