Prej disa muajsh në një lidhje dashurie, Belen Rodriguez në pritje të ëmbël (FOTO LAJM)

Belen Rodriguez është një nga vajzat më të pëlqyera dhe të komentuara në Itali dhe jo vetëm. Së fundmi, modelja e famshme është në qendër të vëmendjes për shkak se thuhet se është në pritje të ëmbël për herë të dytë.

36-vjeçarja prej disa muajsh është në një lidhje dashurie me Antonino Spinalbese, me të cilin duket se do të bëhet nënë për herë të dytë. Lajmet për një shtatzëni të mundshme duket se ajo i ka konfirmuar në rrjetet sociale me një fotografi ku shfaqet teksa në dorë mban një byzylyk ngjyrë portokalli.

Argjentinasja bukuroshe pozoi para pasqyrës dhe në dorën që mbante celularin dukej qartazi byzylyku, ndërsa nuk ekspozoi pjesën e barkut.

Mediat italiane shkruajnë se ky lloj byzylyku përdoret shpesh nga gratë për të ndaluar të përzierat gjatë muajve të parë të shtatzënisë. Nga ana tjetër, Belen ende nuk ka pohuar apo mohuar këto lajme.

Nga ana tjetër kujtojmë se Belen ka edhe një djalë, Santiagon me ish-bashkëshortin e saj, Stefano De Martino.

Shtuar më 25/01/2021, ora 13:33

Shkruani komentin tuaj!
Të fundit nga kjo kategori