Tragjedi në Egjipt, shembet pallati 13-katësh, dhjetëra pushues “varrosen” nën rrënoja

Një ndërtesë 13-katëshe është shembur në Egjipt, duke bllokuar dhjetëra njerëz nën rrënoja.

Pallati i shembur i cili strehonte pushues gjatë verës ndodhet në Aleksandri.

Aktualisht nuk ka ende shifra zyrtare se sa persona janë lënduar dhe sa rezultojnë të bllokuar nën rrënoja.

Ekipet e shpëtimit ndodhen në vendngjarje në kërkim të të mbijetuarve.

Zyrtarët komunalë nuk kanë bërë ende një njoftim zyrtar në lidhje me ngjarjen, por sipas një vlerësimi fillestar të policisë, shembja është shkaktuar nga një çarje në strukturën e ndërtesës.

Spitaleve në zonën Montazah dhe zonat fqinje u është kërkuar të jenë në gatishmëri./albeu.com/.