Ditën e sotme dy këngëtaret e njohura të muzikës shqiptare Aurela Gaçe dhe Eli Fara kanë prezantuar në “E diela Shqiptare” këngën e tyre pjesëmarrëse në festivalin “Kënga Magjike”.

Bëhet fjalë për një këngë të titulluar “Zemra Rratatata”, orkestruar nga kopozitori Adrian Hila që bën bashkë ritmet e muzikës së lehtë me ato të muzikës popullore qytetare.

Dy këngëtaret në performancën e sotme u shoqëruan në skenë nga tingujt e violinës së instrumentistit virtuoz Etem Qerimaj.

Pak kohë më parë Aurela dhe Eli ndanë me ndjekësit e tyre në Instagram lajmin për realizimin e këtij bashkëpunimi shkruan anabel. Kënga vjen si një dhuratë për fansat e dy këngëtarëve në 25- vjetorin e miqësisë së tyre dhe në 20- vjetorin e “Këngës Magjike”.