Pas suksesit të "MozzArt", Mozzik premton një tjetër surprizë për fansat (VIDEO)
Mozzik është padyshim një ndër artistët më të suksesshëm. Reperi publikoi këtë verë albumin e titulluar “Mozzart” që rezultoi shumë i pëlqyerdhe për pasojë arriti të kryesonte i artisti më i dëgjuar për këtë verë që lamë pas. Ndërsa po shijon suksesin e albumit, Mozzik ka dhënë një tjetër lajm të mirë për fansat.

Përmes një videomesazhi që ka publikuar në rrjete sociale, reperi ka bërë me dije se po punon për të sjellë një tjetër album. Mozzik shprehet se situata e pandemisë ka ndikuar në projektet e tij të mos përfundojnë në kohën e duhur, megjithatë ai ka patur mundësi të punojë shumë.

Sipas tij, projekti i ri do të jetë një fryt i mundit të madh, dhimbjes, emocionit dhe sakrificës, por nuk ka dhënë detaje të tjera rreth tij se si do të titullohet albumi.

Kujtojmë që Mozzik është përfolur gjithashtu dhe për një rikthim me Loredanën. Disa video dhe foto që kanë qarkulluar në rrjete sociale, kanë shtuar dyshimet se dyshja i ka lënë pas keqkuptimet, megjithatë asnjëri prej tyre nuk ka komentuar asgjë deri më tani.
Shtuar më 26/10/2020, ora 15:06

Shkruani komentin tuaj!
Të fundit nga kjo kategori