Pas shumë vitesh mungesë, Bes Kallaku rikthen këngëtaren shqiptare (FOTO LAJM)

Përveçse në aktrim, Bes Kallaku i është futur prej kohësh edhe muzikës. Kallaku, një ndër aktorët më të mirë të humorit duket se do jetë shumë aktiv me prurje muzikore këtë verë.

Pak ditë më parë, ai publikoi këngën “KTG” që është pëlqyer shumë, ku një vëmendje të madhe mori edhe gjyshja e tij, Ija e cila isshte protagoniste në klip. Por, ky nuk është i vetmi projekt që Besi ka rezervuar për publikun këtë verë.

Ai ka bërë me dije se së shpejti do të sjellë bashkëpunimin e radhës. Besi ka bashkuar forcat me këngëtaren që i ka munguar publikut prej vitesh dhe bëhet fjalë për Anila Mimanin.

Këngëtarja e hitit “Eh ta dish sa shumë të dua” do të rikthehet pas shumë vitesh pauzë me një duet me Besin.

Ka qenë vetë aktori i cili ka bërë me dije bashkëpunimin përmes një postimi në Instagram, teksa shkruan: “Ma bo një video për videoklip. @anila_mimani_official coming soon”.

Shtuar më 10/07/2020, ora 08:58

Shkruani komentin tuaj!
Të fundit nga kjo kategori