Deputeti demokrat, Ervin Salianji akuzon ish-kryetarin e PD-së Lulzim Basha për frymëzimin e dhunës pas përfundimit të mbledhjes së kryesisë.
Ditën e djeshme pati debate të forta si dhe sulme e kërcënime ndaj deputetëve nga mbështetësit e Lulzim Bashës, të cilët ishin mbledhur jashtë selisë.
Salianji, përmes një postimi në Facebook deklaron se Lulzim Basha nuk është larguar asnjë ditë, ka përdorur truke për t’u zvarritur pavarësisht se nuk ka as mbështetje, as elektorat dhe as parti!
Sipas tij, e vetmja risi nga e djeshmja ishin pamjet e dhunshme, presioni, shantazhi dhe fyerjet ndaj deputetëve të PD që mendojnë ndryshe, por që e kanë mbështetur maksimalisht LB dhe që tregojnë katandisjen e një njeriu që u mbështet si shpresa e PD dhe përfundoi në fatkeqësinë e demokratëve!
Salianji: Langaraq me Ramën, gangëster me demokratët që e mbështesin! Siç e kam paralajmëruar prej më shumë se një viti LB nuk është larguar asnjë ditë, ka përdorur truke për tu zvarritur pavaresisht se nuk ka as mbështetje, as elektorat dhe as parti! E vetmja risi nga e djeshmja ishin pamjet e dhunshme!Pamjet me dhunë verbale, presion, shantazh dhe fyerje ndaj deputetëve të PD që mendojnë ndryshe por që e kanë mbështetur maksimalisht LB tregojnē katandisjen e një njeriu qē u mbështet si shpresa e PD dhe përfundoi në fatkeqësinë e demokratëve!
