Një kufomë e seksit femër është gjetur në rezervuarin (liqenin) sipër fshatit Renx, Njësia Administrative Kastriot, ne Diber.
Kufoma është pikasur nga një bari i zonës i cili ka njoftuar policinë.
Mësohet se viktima është Shpëtime Shehu, rreth 40 vjeç, nga fshati Vrenjt i Njësisë Administrative Kastriot. Dyshohet se ka qenë e sëmurë me dempresion.
Njoftimi i Policisë:
Dibër
Në vijim të informacionit paraprak të dhënë më parë, ku u gjet pa shenja jete në rezervuarin e fshatit Rrenxë, një shtetase, pas verifikimeve të kryera është bërë identifikimi i saj dhe është shtetasja me inicialet Sh. Sh., banuese në fshatin Vrenjt. Paraprakisht dyshohet se është vetëmbytur, pasi sipas familjarëve vuante nga depresioni.
Nga kqyrja e trupit të viktimës nuk janë konstatuar shenja dhune.
Grupi hetimor vijon hetimet për zbardhjen e rrethanave të ngjarjes.