Italia ka arritur të mposhtë me rezultatin e ngushtë 2-1 Belgjikën në ndeshjen e vlefshme për finalen e vendit të tretë në Nations League.
Në pjesën e parë edhe pse rastet nuk munguan, asnjë nga skuadrat nuk arriti ta dërgonte topin në rrjetë duke e mbyllur me rezultatin e bardhë, 0-0.
E dyta nis më mirë për italianët të cilët arrijnë të zhbllokojnë rezultatin në minutën e 46 falë nje super goli të mesfushorit Barella.
Në minutën e 65 një penallti e akorduar në favor të “azzurrëve” kthehet në gol nga sulmuesi Berardi duke i dhënë qetësi dhe siguri të tijve.
Belgjika do të ngushtonte rezultatin në minutën e 86’ me de Ketelaere, i cili në fund do të vlente vetëm për statistikë.
Italia kështu e mbyll edicionin e Nations League në vendin e tretë, ndërsa Belgjika në vendin e katërt. Kujtojmë që në orën 20:45 do të jetë finalja mes Francës dhe Spanjës e cila do të përcaktojë fituesin e këtij kompeticioni. /albeu.com
