I doli skandali seksual, zbulohen pronat e Safet Gjicit, ndër kryebashkiakët më të pasur

Safet Gjici ka dhënë dorëheqjen nga posti i kryetarit të Bashkisë së Kukësit pas publikimit të një videoje intime të tij duke kryer marrëdhënie seksuale në zyrën e bashkisë. Në të njëjtën kohë me deklaratën e Gjicit qeveria mori vendimin për shkarkimin e tij nga detyra.

Videoja rezulton të jetë filmuar më 6 Qershor të këtij viti, pasi Gjici u rikonfirmua në krye të bashkisë për një mandat të dytë. Kujtojmë që më herët, SPAK nisi hetimet kryesisht pas publikimit të videos.

Nëse SPAK do të ngrejë ndaj Gjicit vetëm akuzën e shpërdorimit të detyrës, Gjici i shpëton verifikimit pasuror. Për shkak të veprimtarisë në fushën e biznesit, Safet Gjici është një nga kryebashkiakët më të pasur, sipas Report Tv. Gjici rezulton pronar i 9 apartamenteve dhe njësive në Tiranë, lokal në Tiranë, pronar i një vile 3 katëshe në Tiranë me sipërfaqe 432 m2, dy sipërfaqe ullishte rreth 2 mijë m2, 400 m2 tokë arë etj.

Gjici deklaron transaksione me vlerë qindra mijëra euro, mbi 500 mijë euro huamarrje, mbi 600 mijë euro obligacione, rreth 300 mijë euro hua për shoqërinë “Eurogjici Security” që e kontrollon përmes të afërmeve të tij si dhe dhjetëra mijëra euro në llogari bankare. Safet Gjici menaxhon përmes familjarëve të tij kompanitë si: Euro-Gjici, -Eurogjici-Security, Kevin Construksion, Futboll Klub Kukësi, Manjola Gjici dhe Eronaldo. / Express


Shtuar 17.06.2023 09:30