Miriam Cani largohet nga “The Voice of Albania”
Miriam Cani
Këngëtarja shqiptare Miriam Cani ka njoftuar se sivjet nuk do të jetë në jurinë e “The Voice of Albania”.

Largimin e saj nga “The Voice of Albania”, edicioni i tretë, e ka bërë të ditur vetë Miriami në profilin e saj në rrjetin social “Facebook” ku shkruan kështu:

“Miq! Pasi më keni drejtuar shumë e-maile dhe mesazhe në lidhje me spektaklin ‘The Voice of Albania’, nuk dua t'ju mbaj më gjatë në padijeni. Dëshiroj t’ju them që unë nuk do të jem pjesë e këtij edicioni të tretë. Më keni mbështetur dhe shoqëruar në mënyrën më të bukur gjatë këtyre dy viteve. Për mua ka qenë një eksperiencë profesionale dhe shpirtërore vërtetë e vlefshme, një pasuri në biografinë time dhe në rrugëtimin tim artistik. Kam punuar me një staf të mrekullueshëm, të cilit i uroj nga thellësia e zemrës një edicion sa më të suksesshëm dhe natyrisht me talente të cilat vetëm “The Voice of Albania” di të sjellë. Kolegët e mi do të bëjnë një punë të shkëlqyer për t'ju mbajtur edhe vitin e tretë të gozhduar para ekranit”, ka shkruar Miriam Cani në profilin e saj.

Këngëtarja e talentuar gjithashtu ka njoftuar se është duke punuar për projekte të reja muzikore, të cilat do të publikohen në javët në vijim. /albeu.com/
Shtuar më 07/09/2013, ora 12:50
Shkruani komentin tuaj!
Të fundit nga kjo kategori