Një pëllumb në xhaketë, mesazhi që fshihte Lady Gaga në performancën e djeshme (FOTO LAJM)

Lady Gaga këndoi himnin kombëtar në nisjen e ceremonisë së inaugurimit të Joe Biden si president i SHBA-ve një ditë më parë. Këngëtarja e hitit “Bad Romance” tërhoqi me një veshje të veçantë, e cila kishte zgjedhur një xhaketë të zezë që i rrinte pas trupit dhe një fund të gjatë të kuq të fryrë.

Këngëtarja performoi me një mikron prej floriri dhe në xhaketën e saj kishte vendosur po ashtu një pëllumb prej ari. Pas performancës, Lady Gaga shpjegoi në tëitter simbolikën, duke thënë se përmes pëllumbit që mban dhe një degë ulliri dëshironte të përcillte një mesazh për paqe.

“Një pëllumb që mban një degë ulliri. Shpresoj që të gjithë ne të bëjmë paqe me njëri-tjetrin”, ka shkruar këngëtarja në një postim në Tëitter. Ndërkohë, para se të performonte këngëtarja u shpreh se ndihej e nderuar që i ishte besuar të këndonte himnin kombëtar në këtë ditë speciale.

Shtuar më 21/01/2021, ora 12:35

Shkruani komentin tuaj!
Të fundit nga kjo kategori