Një shqiptar në Angli është arrestuar nga policia britanike dhe është mbajtur në paraburgim për plotë 15 orë, pasi i gjetën çaj mali në furgonin e tij.
The Sun raporton se policia britanike mendonte se çaji i malit ishte kanabis, për këtë arsye ata e arrestuan shqiptarin duke e akuzuzar për transport të lëndëve narkotike.
Bëhet fjalë për 53-vjeçarin, Agim Agaj. Agimi u mbajt në një qeli të shtunën mbrëma në Ëeymouth, Dorset, dhe u mor në pyetje të nesërmen para se të lirohej sepse nuk kishte prova.
Ai rrëfeu perpipecinë me policinë angleze për The Sun.
“Ishin dy policë. Një hapi derën e fugonit dhe pa se kisha një enë plastike dhe i tha policit tjetër se unë kam kanabis. I thashë që nuk është drogë, por çaj mali. Nuk më dëgjuan dhe më arrestuan. Çaji nuk duket aspak si kanabis dhe nuk e ka erën si të saj. Edhe një fëmijë mund të bëjë dallimin mes çajit dhe kanabisit”, është shprehur shqiptari.
Ai tregon se oficerët kontrolluan shtëpinë e tij dhe shtëpinë e një shoku. Agimi, i cili pi çdo ditë çajin tradicional shqiptar, tha se nuk e dinte pse e ndaluan dhe shtoi: “Nuk jam arrestuar kurrë. Ishte e frikshme.”
Ndërkohë nga ana e saj Policia e Dorset deklaroi: U krye një kontroll i automjetit dhe u raportua se u gjet një enë plastike me disa bimë dhe oficerët menduan se ishte drogë. Pas hetimeve të mëtejshme u konfirmua se lënda që u gjet nuk ishte drogë ilegale dhe burri u lirua pa asnjë akuzë.
/albeu.com/
