Për herë të parë kaq pranë në 400 vite, një asteroid gjigant do të kalojë sonte afër Tokës

Një shkëmb i madh hapësinor, asteroidi 2005 YY128, me diametër 580 deri në 1,300 metra, do të kalojë sonte (në orën 1:46 të mëngjesit të së enjtes) në një distancë të sigurt prej 4.5 milionë kilometrash nga planeti ynë, domethënë rreth 12 herë më shumë se distanca e Tokës nga Hëna.

Kjo vlerësohet të jetë qasja e saj më e afërt në katër shekuj, sipas Space.com.

Asteroidi u zbulua në vitin 2005 nga astronomët amerikanë, të cilët gjatë 17 viteve të fundit kanë studiuar orbitën e tij me saktësi të lartë, megjithëse ka disa pasiguri për madhësinë e tij të saktë. Ai i përket kategorisë së asteroidëve potencialisht të rrezikshëm, një emërtim që u jepet shkëmbinjve hapësinorë të paktën 140 metra.

 

NASA dhe agjencitë e tjera hapësinore amerikane vlerësojnë se kanë zbuluar të paktën 95% të asteroidëve më të mëdhenj se një kilometër në diametër që i afrohen Tokës në një distancë prej të paktën 50 milionë km. Deri më sot, asnjë nuk përbën kërcënim për të ardhmen e parashikueshme, sipas llogaritjeve të orbitës së tyre./albeu.com

 


Shtuar 15.02.2023 08:41