Një aksident ka ndodhur mbrëmjen e sotme në Vlorë, ku për pasojë janë lënduar 2 persona. Burime nga policia bëjnë me dije se makina është përplasur me një karburant dhe nga pamjet e siguruara nga albeu.com duket makina e bëra copash.
Sipas njoftimit të Policisë, të lënduarit ndodhen në spital jashtë rrezikut për jetën.
Njoftimi i Policisë:
Vlorë/Informacion paraprak
Me datë 29.01.2022, rreth orës 18:20, në autostradën Vlorë-Fier, pranë një karburanti automjeti tip “Benz”, me drejtues shtetasin F. Xh., ka humbur kontrollin dhe është përplasur me pompën e benzinatos së karburantit, ku si pasojë e përplasjes është dëmtuar drejtuesi i mjetit dhe pasagjeri, shtetasi G. B., të cilët ndodhen nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit./albeu.com