Prangoset “Zoti” meksikan i drogës, kush e kërkonte “kokën” e tij

Rafael Caro Quintero, i njohur si “Zoti” meksikan i drogës, është arrestuar në shtetin perëndimor të Sinaloa, thotë marina meksikane.

Quintero ishte në listën e më të kërkuarve të SHBA-së.

Ai akuzohet për rrëmbimin, torturimin dhe vrasjen e një agjenti të zbatimit të drogës në SHBA në vitin 1985 dhe u kap në qytetin Choix.

Marina tha se Quintero, që besohet të jetë 69 vjeç, u gjet në shkurre nga një qen i stërvitur posaçërisht i quajtur Max.

SHBA tha se do të kërkonte ekstradimin e menjëhershëm të tij. “Nuk ka vend për t’u fshehur për këdo që rrëmben, torturon dhe vret organet e zbatimit të ligjit amerikan. Ne u jemi thellësisht mirënjohës autoriteteve meksikane për kapjen dhe arrestimin e Rafael Caro Quintero”, tha Prokurorja e Përgjithshme e SHBA Merrick Garland.