Oligarku i njohur rus, Roman Abramovich, u helmua me një lëndë kimike të Luftës së Parë Botërore, kloropicrinë ose një dozë të vogël Novitsok.
Lajmin e bënë të ditur ekspertët, të cilët theksojnë se ajo jep pothuajse të gjitha simptomat që shfaqi ai dhe negociatorët e tjerë.
“A po vdes?” thuhet se pyeti menjëherë mjekun pasi filluan shenjat e para të helmimit, raportoi Neë York Times, duke cituar një burim në vendin e ngjarjes.
Sipas një analize të re, Abramovich u helmua me kloropicrinë të Luftës së Parë Botërore, një substancë toksike që ishte përdorur më parë si armë kimike ose me një dozë të ulët të Novichok. Sa më sipër është mbështetur nga gazetari bullgar Kristo Grozev, i cili ka kryer një hetim për ngjarjen tronditëse. Sipas tij, një grup ekspertësh ranë dakord se substanca që ka shumë të ngjarë të ketë shkaktuar simptomat e helmimit të oligarkut rus është kloropicrin, një armë kimike e Luftës së Parë Botërore.
Në një intervistë të re në rusisht në kanalin e njohur YouTube Popular Politics, Grozev tha se kloropicrin tregoi shpjegimin më të mundshëm për ekspertët që kontaktuan viktimat, studiuan fotografitë e tyre dhe kryen kërkimin e tyre.
“Të gjithë u thanë se nuk ishte rastësi, se nuk ishte helmim nga ushqimi apo alergji. Ata treguan për këtë substancë [kloropicrinë] dhe agjentë të tjerë që ishin përdorur si armë kimike.”-tha gazetari, megjithatë, të gjithë kanë theksuar se e vetmja mënyrë për të konfirmuar se cili faktor është përdorur do të ishte dërgimi i këtyre personave në një laborator me pajisje përkatëse, apo dërgimi i gjakut të tyre atje. Siç shpjegoi Grozev, nuk ishte e mundur që Abramovich dhe viktimat e tjera t’i nënshtroheshin ekzaminimeve të plota që mund të konfirmonin shkakun e helmimit.
“E vetmja pikë e dobët e këtij rasti ishte se kloropicrina zakonisht lëshon një erë mjaft të fortë, që do të thotë se është e vështirë të administrohet pa u vënë re. Megjithatë, një nga ekspertët tha se janë zhvilluar edhe “versione” pa erë të substancës. Një substancë tjetër e sugjeruar nga një specialist me njohuri të thella të temës është Novitsok, i cili në një dozë të vogël mund të shkaktojë të njëjtat simptoma”, thekson gazetari.
Kujtohet se agjenti neurotoksik Novitsok helmoi ish-agjentin e dyfishtë të GRU-së, Sergei Skripal, në shtëpinë e tij në Salisbury të Anglisë, ndërsa e njëjta substancë është përdorur edhe kundër armikut të Putinit, Alexei Navalny. Aktivisti rus iu nënshtrua trajtimit të shpëtimit në Gjermani dhe pas shërimit u kthye në Rusi, ku u burgos.
Sipas tij, rrethanat e veçanta në të cilat janë sëmurë këta persona kanë ndikuar në përfundimin e çështjes, pasi në të kundërtën rrethanat e tjera do të ishin hetuar siç duhet, por në këtë rast palët i kanë dhënë përparësi negociatave për paqen dhe jo mbrojtjes së saj.
