Në fund të tetorit, Radio Televizioni Shqiptar bëri publike listën me emrat e këngëtarëve pjesëmarrës në Festivalin e 59 të Këngës në RTSH, pa njoftuar se cili/cila do të jetë moderator/e. Megjithatë, gjasat janë që prezantimi t’i besohet Jonida Vokshit.

Pse kështu? E ftuar mëngjesin e sotëm (e enjte, 5 nëntor) në “Wake Up”, Jonida u pyet nga Isli Islami: “A do ta prezantosh festivalin e fundvitit meqenëse ta kanë propozuar?”. Pas disa minutave heshtjeje, Jonida tha “kush ma ka propozuar?”, një përpjekje për të shmangur pyetjen. Pas këmbënguljes së dy moderatorëve të “Wake Up”, aktorja pranoi propozimin nga organizatorët dhe u shpreh:

“Jam duke e menduar”.