Aktorja Jennifer Lawrence mund të qëndrojë larg botës së kinemasë për rreth një vit.

Deklaratën e ka dhënë producenti i saj Harvey Weinstein, për "Huffingtonpost.com".

Lawrence ka patur një viti të suksesshëm me filmat “The Hunger Games Catching Fire” si dhe “Silver Linings Playbook” ku u vlerësua nga Academy Awards si aktorja më e mirë protagoniste, por pas këtij suksesi duket se ka nevojë për pak pushim.

Në intervistën e tij Harvey, producenti i komedisë “Silver Linings Playbook“, deklaroi se Lawrence ka nevojë për këtë pauzë. “Do jetë një pauzë për një vit dhe nuk duhet të bëj asgjë. Ka punuar non-stop këtë vit dhe meriton të çlodhet, tha ai.

Ndër të tjera, Weinsteinse ka lënë të nënkuptohet se Lawrence e ka pranuar rolin në filmin “American Hustle” për t’i bërë dikujt një favor: “Jennifer është një person shumë i ëmbël dhe shpesh u bën favore njerëzve. Ajo do të pranojë të bëjë filma ashtu siç ndodhi dhe me “American Hustle”, edhe pse në atë kohë ajo ndjehej e lodhur”.

Kujtojmë këtu se filmi "American Hustle", ishte një nga filmat më të suksesshëm që i dha aktores Globin e Artë dhe një nominim për çmimet Oscar. /albeu.com/