SPAK arreston Lefter Kokën

Arrestohet ish-ministri Lefter Koka. Burimet për albeu.com bëjnë me dije se arrestimi i tij vjen nga dosja e inceneratorëve e denoncuar nga Nisma Thurje, LSI, PD dhe një sërë organizatash.

Padia e fundit në SPAK e bërë nga PD, për inceneratorin e Tiranës denonconte Kokën bashkë me kryeministrin Rama, Veliaj, Ahmetaj, Klodian Zoton dhe Mirel Mërtirin për veprat penale: “grup të strukturuar kriminal”, “shpërdorim detyre”, “shkelja e barazisë së pjesëmarrësve në tendera apo ankande publike”.

Rikujtojmë se Lefter Koka është ish-ministri i Mjedisit i LSI 2013-2017, më pas deputet i PS, 2017-2021.

Ish-ministri Lefter Koka doli si deputet në zgjedhjet e 25 Prillit në qarkun e Durrës por vetëm 9 ditë para betimit ai hoqi dorë nga mandati.

Me anë të një reagimi publik Koka deklaruar se ka ardhur koha të mbyllë kapitullin e politikës, por si fitues.

Duke falenderuar të gjithë ata që e votuan, Koka sqaroi se me vendimin e tij për të mos e marrë mandatin e deputetit është njohur edhe Komisioni Qendror i Zgjedhjeve.

Vijon… /albeu.com/

 


Shtuar 14.12.2021 12:21