Iris Luarasi: Edhe kur më ndërroi jetë nëna vendosa buzëkuq (VIDEO)
Iris Luarasi në çdo dalje të saj televizive apo edhe në auditorët e shkollës, shfaqet me pamjen e kuruar në detaj dhe sidomos buzët e kuqe.

Ajo kujdeset që gjithmonë të mos harrojë të lyejë buzët dhe nëse ndodh, përpiqet që të gjejë mundësinë t’i lyejë diku jashtë.

Ditën e sotme e ftuar në emisionin “Rudina”, Irisi është shprehur se edhe ne ceremonitë mortore vendos buzëkuq të lehtë, duke respektuar në këtë mënyrë personin që është larguar.

“Kemi një problem sepse fjala buzëkuq ka në togfjalëshin e vet dhe pjesën e kuq, por buzëkuqi mund të jetë i një ngjyre tjetër dhe unë sigurisht mendoj që do ishte absolutisht e tepruar, që ti të shkoje me buzë si këto të miat në një ceremoni mortore. Qoftë edhe në rastin kur, ai që ka ndërruar jetë nuk është i afërmi jot, edhe në shumicën e rasteve të ndodh që nuk e ke njohur më përpara. Unë po them që buzëkuqi është shenjë e seriozitetit, por nuk domethënë që ti duhet të vësh buzë të kuqe flakë në një ceremoni mortore, se ndonjëherë kam idenë është kqkuptuar kjo si shprehje, por që vjen nga fjalë buzëkuq dhe unë nuk mund ta quaj buzëzi”, shprehet Irisi.

Më tej shton se edhe kur nëna e saj ka ndërruar jetë, ajo ka lyer buzët në një ngjyrë të errët.

“Baboja, se kështu i thërriste ajo të shoqit për shkak të fëmijëve, më donte shumë dhe më blinte gjithmonë manikyr dhe buzëkuq. Ai më donte të më shikonte kështu dhe unë për hir të kujtimit të tij, i kam bërë këto gjëra. Edhe unë e besoj shumë dhe mendoja se kjo ishte një mënyrë shumë e bukur për ta kujtuar dhe për t’i thënë faleminderit për gjithë gjërat e bukura që kisha mësuar nga ajo. Kur ndërroi jetë nëna, patjetër që kisha buzëkuq, sigurisht jo të kuq, një gjë shumë të errët, duke menduar atë, atë ditë”, ka treguar pedagogia.
Shtuar më 19/02/2020, ora 10:04

Shkruani komentin tuaj!
Të fundit nga kjo kategori