100 euro për kokë! Arrestohet shqiptari në Greqi, u kap duke transportuar 31 emigrantë të paligjshëm

Një shqiptar dhe një shtetase greke kanë rënë në pranga në Thesproti të Greqisë. Ata janë kapur në flagrancë duke transportuar 31 emigrantë të paligjshëm.

31-vjeçari shqiptar u kap duke transportuar emigrantët në një kamion drejt kufirit greko-shqiptar, kundrejt pagesës 100 euro.

I riu me iniciale I.X., akuzohet për transport të emigrantëve të paligjshëm. Nga hetimet rezultoi se shqiptari i kishte marrë emigrantët nga zona e Peloponezit për t’i transportuar pranë kufirit greko-shqiptar, kundrejt pagesës prej 100 eurosh.

 


Shtuar 6.06.2023 17:21