Incident në xhirimet e "Fast & Furious", dublanti i Vin Diesel në koma
Një tragjedi e re ndodhisetin e filmit serial "Fast & Furious", pas vdekjes së protagonistit Paul Walker në 2013-n për shkak të një aksidenti me makinë.

Dje, në setin e serisë së nëntë, Joe Watts, dublanti i Vin Diesel, ra me kokë nga një lartësi mbi 9 metra.

Motorristi u shtrua urgjent në spital në kushte shumë të rënda shendetësore dhe është në gjendje kome.

Sipas "The Sun" aktori që ishte i pranishëm në kohën e aksidentit "shpërtheu në lotë dhe është nën shock".

Xhirimet u ndërprenë menjëherë dhe një burim tha për tabloidin anglez se "Vin Diesel u pa në set disa sekonda pas tragjedisë. Ishte zverdhur, nën shock dhe me lotë në sy. Ai pa çfarë ndodhi".

Përmes Facebook-ut, e fejuara e djalit, Tilly Powell, bëri të ditur se "kushtet shëndetësore janë të pandryshueshme dhe është monitoruar gjatë gjithë natës. E dua shumë dhe zemra ime është e shkatërruar. Familija e tij dhe miqtë janë pranë tij për ta ndihmuar të përballojë të gjithë këtë ".
Shtuar më 27/07/2019, ora 22:40

Shkruani komentin tuaj!
Të fundit nga kjo kategori