Gazetarja shqiptare bie nga mushka gjatë stand-upit

Gazetarja Ilnisa Agolli ishte e ftuar në studion e “Ftesë në pesë” me Bieta Sulon, për të folur më shumë rreth programit “100 fshatrat”, që transmetohet çdo të hënë në orën 18:00, në kanalin e Top Channel në “YouTube”.

Ilnisa tregoi se është duke e shijuar shumë këtë eksperiencë, pasi ka mundësi të vizitojë vende të reja e të njihet më kultura të ndryshme.

Madje, në bisedë e sipër, ajo nuk ngurroi të tregonte një situatë komike që i kishte ndodhur gjatë xhirimeve në fshatin Malshovë.

Pas bisedës me banorët e fshatit, që ishin të paktë në numër, Ilnisës i kishte rënë në sy një mushkë, ndaj edhe “stand up”-in e kishte bërë hipur në të shkruan tch.

Megjithatë nuk kishte munguar rrëzimi nga mushka, incident që gazetarja e pranoi me sinqeritet.
Shtuar më 12/03/2019, ora 23:47
Shkruani komentin tuaj!
Të fundit nga kjo kategori