Gates: T’u lësh fëmijëve gjithë pasurinë do të thotë t’u shkatërrosh jetën
Një nga njerëzit më të pasur në botë aktualisht, Bill Gates mendon se t’ua lësh të gjithë pasurinë fëmijëve , do të thotë t’u shkatërrosh jetën atyre.

Si një nga personalitetet që dhuron më së shumti para për bamirësi, Gates thotë se pjesën më të madhe të saj do ta dhurojë gjithashtu.

“T’u lësh fëmijëve një pasuri të tillë nuk do të thotë t’u bësh nder, përkundrazi, do t’u shkatërronte jetën.

Do të shkatërronte gjithçka që ata do të dëshironin të bënin në jetën e tyre në përpjekjen për të ndërtuar një karrierë, ndaj këto para do të shkojnë për të ndihmuar më të varfrit.

Ata vetë i kanë parë projektet tona për këtë kategori të shoqërisë dhe na mbështesin për këtë”, thotë ai.

“Fëmijët tanë do të kenë një edukim të mirë dhe mjaftueshëm para që të mos kenë vështirësi ekonomike për të ndërtuar jetën e tyre.

Ata e mirëkuptojnë dhe mbështesin vendimin tonë”, deklaroi ai për “This Morning Today”.

Çifti Gates ka tre fëmijë, më e madhja prej të cilëve 20 vjeçare, ndërsa dy të tjerët janë 17 dhe 14 vjeç. /albeu.com/
Shtuar më 28/10/2016, ora 16:19

Shkruani komentin tuaj!
Të fundit nga kjo kategori