Ditën e hënë mësohet se Kuvendi i Shqipërisë do të zhvillojë dy seanca plenare, teksa lajmin e ka bërë të ditur zyra e shtypit pranë Kuvendit.
Në orën 10:00 do të nisë seanca plenare e cila ka në rëndin e ditës çështjet e parashikuara në Kalendarin e Kuvendit.
Ndërkohë, në orën 18:00 do të zhvillohet seanca plenare për zhvillimin e votimit të dytë për zgjedhjen e Presidentit të Republikës.
Kujtojmë se deri më tani nuk kemi asnjë kandidaturë të bërë publike nga palët, ndërsa afati i fundit për të dorëzuar emrat në Kryesinë e Kuvendit është ora 16:00 e ditës së nesërme. Mes opozitës dhe maxhorancës duket se nuk po gjendjet një gjuhë e përbashkët për vijimin e marrëveshjes për të cilën u fol më herët.
