Fiori: "Fik Fare", një supersfidë (FOTO LAJM)

Pëlqej
Një propozim "Fiks Fare" për Fiori Dardhën, vajzën e njohur e cila para 10 vitesh bëri tendencë në ekranin shqiptar me një program pa tabu, të ideuar nga vetë ajo, me titull "Bla Bla Bla". Edhe pse prej disa vitesh ishte larguar nga puna në televizion me një "qejfprishje", siç preferon ta quajë, këto vite nuk ka heshtur, por ka bërë opozitaren në rrjetet sociale, duke dhënë mendimin e saj për këdo dhe për gjithçka pa asnjë drojë.

Fiorit i pëlqen liria dhe e vërteta, ndaj dhe e ka pranuar me shumë dëshirë ofertën për të moderuar "Fiks Fare", ku zbulohen shumë të tilla çdo mbrëmje. Një prezantuese femër që zëvendëson Saimir Kodrën, ngjall kureshtje.

Por si arriti Fiori deri aty? "Kjo është pyetja që më kanë bërë absolutisht të gjithë ata që më njohin nga afër dhe natyrisht të gjithë gazetarët. Dhe unë e kam treguar pa u lodhur dhe gjithë qejf. Një javë më parë, të shtunën vonë, më telefonoi Denisa Haxhiaj, zv/drejtore e “Fiks Fare”, e cila më ftoi që të merrja pjesë në audicionin e së dielës dhe pastaj të tjerat dihen… Të dielën Zoti qenka vërtet pushim dhe në humor!".

Por vajza goditi që me prezantimin e parë në Top-Channel duke i mbushur mendjen drejtuesve të Fiks-it të mos hezitojnë më.

"Drejtori i “Fiks Fare”, Filip Çakuli, nuk më la kohë të mendoja për asgjë. Denisa Haxhiaj, zv/drejtore e “Fiks Fare”, ishte e hedhur gjithashtu në sulm dhe unë u ndjeva e rrethuar nga optimizmi, mbështetja dhe inkurajimi i tyre. Kjo më dha sigurinë, për të cilën kisha nevojë në shfaqjen time të parë në ekranin e Top Channel, dhe nuk mendova asgjë tjetër. Ndjesitë po që ishin të shumta. Megjithatë, jam shuuuumë e kënaqur me vlerësimin që m’u bë. Sepse të prezantosh Fiks Fare në televizionin më të madh në vend është një sfidë, ndërsa ta prezantosh siç duhet, është një supersfidë", shprehet Dardha. /albeu.com/


Shtuar më 06/10/2013, ora 14:11
Shkruani komentin tuaj!
Të fundit nga kjo kategori