Arbana komunikon emrin e banorit që duhet të largohet nga shtëpia natën e sotme, mes Erionit e Françeskës një javë para finales, e ai është: Erioni.

Askush nuk e di se sa banorë do të shkojnë në finalen e madhe të 26 majit. Banorët kanë aluduar gjatë gjithë kësaj jave për këtë fakt, e është koha për ta sqaruar një herë e mirë tani. Arbana kërkon lidhje me shtëpinë e flet me banorët, duke i thënë se ata ende nuk janë finalistë të konfirmuar të këtij edicioni pasi të shkosh në finale nuk është kaq e thjeshtë.

Arbana fton banorët të shohin në monitor, ku shfaqet një zarf i kuq në lexhio. Ai zarf ka një njoftim shumë të rëndësishëm që lidhet me qëndrimin e tyre në finale. Secili prej tyre do të thotë në dhomën e rrëfimit 2 emra të banorëve që nuk i duan në finale.

Arbana i thërret në dhomën e rrëfimit e më pas fton … të hapë zarfin dhe të lexojë vendimin e vëllait të madh. Zarfi thotë që ata të pestë janë finalistët e këtij edicioni të BB!

Erioni, i eliminuari i kësaj nate, vjen në studion e BB ku menjëherë shprehet se është prekur nga Ermali, i cili e përjetoi keq largimin e tij. Ai thotë se në BB mund të fitosh disa gjëra më të çmuara që ia kalojnë vlerës së 100 milionëve e më pas shfaqet një klip me momentet më të bukura e më pikante të qëndrimit të tij në BB.