Gigi Hadid dhe Zayn Malik u bënë prindër të një vajze 4 muaj më parë, por ende nuk e kanë zbuluar emrin e vogëlushes. Fansat nuk ndalen derisa ta gjejnë emrin e saj dhe për këtë kanë lloj-lloj teorish. Së fundmi, ata janë të bindur se Zayn zbuloi emrin e të bijës në albumin e tij të ri, ‘Nobody Is Listening.’

Fansat i dëgjuan me vëmendje tekstet e albumit me 11 këngë për të parë nëse kishte ndonjë emër fëmijësh atje dhe dolën me disa teori.

"Emri i vajzës së Zayn është Calamity", -u shprehën disa fansa në Twitter, duke iu referuar këngës kryesore në album. Mirëpo fjala “calamity” do të thotë fatkeqësi, prandaj gjasat që çifti i famshëm ta ketë quajtur vajzën me këtë emër janë të vogla, për të mos thënë të pamundura. Kush do ta quante fëmijën me një emër të tillë?!

Disa të tjerë besonin se vogëlushja quhet River (lumë), duke iu referuar këngës me titull "River Road" - një emër më i besueshëm se Calamity.