Një ndër këngët më të klikuara shqiptare, "Të ka lali shpirt", tashmë ka edhe versionin e saj në serbisht. Kënga "Samo namigni" (vetëm ma shkel syrin)e kënduar nga Violeta Milkoviç dhe Damir Polumenta është hedhur në YouTube një muaj pas publikimit të hitit të Silva Gunbardhit, shkruan Illyriapress.

Në versionin serb përmendet vetëm autori i këngës Alfred Sula, ndërsa të dhënat e tjera janë ndryshuar. Në versionin shqip Sula shfaqet edhe si orkestrues, ndërsa në version serb orkestrues është Dragan Trashkoviç.

Por, pavarësisht origjinalitetit, numri i klikimeve në YouTube është shumë i lartë: versioni shqip ka 27 milionë klikime, ndërsa ai serb ka rreth 5 milionë. /albeu.com/