E bëjnë burrë LIVE në emision, si reagon Zonja Eni
Pëlqej
Nuk është e pazakontë që shumë emigrantë, për shkak të viteve që kalojnë në një vend të caktuar të marrin të paktën theksin e gjuhës së vendit ku jetojnë.

Ky ishte edhe rasti i Olsit, njëra palë e ftuar në studion e “Shihemi në gjyq”, i cili prej shumë vitesh jetonte në Greqi.

Por përveç theksit grek, një tjetër detaj që krijoi ndoshta edhe humor, ishte fakti se Olsi duket se kishte harruar fjalën e përshtatshme për t’iu drejtuar një zonje.

Kjo pasi në pjesën më të madhe të programit, ai e thërriti zonjën Eni Çobani, “Zoti Eni”.

Olsi: Zoti Eni…

Adriana e korrigjon: Zonja Eni

Çobani: Nuk ka problem, ai e filloi kështu dhe unë po e lë që ta mbarojë po kështu, nuk ka problem.

Thuajse gjatë gjithë emisionit, Olsi e pati të vështirë të vendoste, mes “Zotit” dhe “Zonja”. Megjithatë, juristja dhe drejtuesja e “Shihemi në Gjyq”, e kaloi gjithçka me qetësi, duke u fokusuar tek problemi për të cilin ishin në studio.

Diskutimi për pronat mes dy kunetërve nuk kaloi pa përplasje mes tyre./tvklan.al/
Shtuar më 03/12/2017, ora 21:38
Shkruani komentin tuaj!
Të fundit nga kjo kategori