Tërmeti mund t’i kushtojë Turqisë 84 miliardë dollarë

Tërmeti më i keq i Turqisë në pothuajse një shekull ka lënë një gjurmë shkatërrimi që mund t’i kushtojë Ankarasë deri në 84.1 miliardë dollarë, ka thënë një grup biznesi.

Raporti i Konfederatës Turke të Ndërmarrjeve dhe Biznesit tha se kostoja do të përfshinte 70.8 miliardë dollarë të mundshëm nga riparimi i mijëra shtëpive, 10.4 miliardë dollarë nga humbja e të ardhurave kombëtare dhe 2.9 miliardë dollarë nga humbja e ditëve të punës.

Raporti vuri në dukje se kostot kryesore do të ishin rindërtimi i banesave, linjave të transmetimit dhe infrastrukturës dhe plotësimi i nevojave afatshkurtra, afatmesme dhe afatgjata për strehim të qindra mijërave të mbetur pa shtëpi.

Presidenti turk Tajip Erdogan ka thënë se shteti do të përfundojë rindërtimin e banesave brenda një viti dhe qeveria po përgatit një program për të ta bërë vendin të ngrihet sërish në këmbë. /albeu.com


Shtuar 13.02.2023 14:20