David-Victoria, krisje në martesë?
Krisje në martesë? Asgjë nuk është e sigurt por Victoria Beckham ndjehet e lënë pas dore nga bashkëshorti i saj David Beckham. Kështu raporton një burim i afërt me të për revistën britanike "Star".

Disenjatorja e modës ka katër fëmijë nga martesa me yllin e futbollit David Beckham. Ata janë Brooklyn, Romeo, Cruz dhe Harper. Futbollisti i njohur tani luan në ekipin francez Paris Saint-Germain, ndërkohë që bashkëshortja dhe fëmijët jetojnë në shtëpinë e tyre në Britaninë e Madhe.

Pikërisht problemet duket se nisin kur Beckham kalon kohën e tij në Britani. Victoria deklaron se ai e lë pas dore.


"Kur David është në shtëpi merret vetëm me fëmijët. Ai ndihet keq kur duhet ti lërë ata për të shkuar në Francë. Por ai nuk ka kohë për Posh. Duket se ajo është jashtë listës së tij", ka thënë i njëjti burim për "Star".

Duket se plani i çiftit ishte që LA Galaxy, të ishte klubi i fundit për David, por gjërat ndryshuan dhe Victoria ndihet e lodhur.

"Plani gjithmonë ka qenë që LA Galaxy të ishte ekipi i fundit i David, e pastaj ai të mund të kalonte më shumë kohë me Victorian, e cila do të mund të ishte më e lirë për tu fokusuar në karrierën e saj. Edhe një herë ajo bëri sakrificë të madhe për David, ajo anuloi gjithçka në SHBA, vetëm për tu kthyer në Londër", raporton "Star". /albeu.com/
Shtuar më 15/04/2013, ora 12:24

Shkruani komentin tuaj!
Të fundit nga kjo kategori