Dashuria mes Florit dhe Elvanës vazhdon akoma edhe pse të ndarë
Në një postim në Instagram, Flori Mumajesi ka shkëputur një pjesë nga vargjet e blogeres Des`antila, që flasin për një dashuri që ka përfunduar në ndarje.
Emri i këngëtares Elvana Gjata deri vonë ishte i lidhur ngushtë me atë të këngëtarit dhe kompozitorit Flori Mumajesi.

Mes tyre është përfolur shumë një lidhje dashurie, por nuk është pranuar dhe nuk është folur nga dy artistët në fjalë.

Pas shumë vitesh bashkëpunimesh dhe hitesh mes tyre, rruga e Elvana Gjatës dhe Flori Mumajesit u nda, shkruan Albeu.com.

Por duket se ata dy nuk ndahen dot pasi në fakt Elvana ka publikuar një fotografi ku kua shkruar se e ka marrë shumë malli pa e specifikuar se për kë.

Fill pas kësaj Flori ka publikuar një shkrim të gjatë të një shkrimtareje, shkrim për një dashuri të humbur.

Nga e mira Des’antila🌹 “Më vjen keq!”
Është zhveshja më e dobët që trupi përjeton pas kësaj fjalie, është një keqardhje e këputur, është një dorë në shpatull në një fragment sekondi. E di cfarë do të bënte ndryshim tani? Një pëshpëritje në vesh me fjalën të du’! Mbi gjithcka, në formën më naive e të pastër në botë kur heshtja të thyhet vetëm nga fjala “edhe unë”.
Sa shumë e shumë të pathëna do të merrnin edhe njëherë jetë nëse gjërat do të ishin ndryshe sepse mund të duash disa njerëz gjatë jetës por askush asnjëherë nuk do mësojë të dashurojë sic bëje ti! Në asnjë ditë e në asnjë jetë nuk do të gjesh asnjë zemër që të jetë e njëjtë.

Do të vij tek ti ndryshe nga hera e fundit, do të vij e zhveshur nga pengjet dhe e qetë, të të rigjej edhe njëherë tek ty atë që dikur njoha, vrullin e një zemre me krahë, të një shpirti që dehet pa orar, të një prekje me mall fytyrës me duar. E mban mend se si bota ndaloi atë natë? Se si e vetmja e lëvizsshme në ajër ishte ndjesia, ishim unë edhe ti? A e mban mënd kur më the të dua?
Po, edhe unë… /albeu.com/
Shtuar më 14/05/2018, ora 18:16

Shkruani komentin tuaj!
Të fundit nga kjo kategori